Fudbaleri Arsenala nastavili su sa lošim rezultatima. U 13. kolu odigrali su samo 2-2 sa Sautemptonom na svom terenu.

Foto: Southampton

Gosti su rano došli do vodstva a strijelac je bio Ings. Na 1-1 izjednačio je Aleksandar Lakazet. Do kraja prvog poluvremena nije bilo promjene rezultata. U nastavku je Arsenal imao šanse preko Lakazeta i Pepea ali nisu došli do preokreta. Sautempton je imao penal, Vord Prauzu udarac brani Leno ali je Prauz naletio na odboijanac  pogodio je za vodstvo gostiju. Imali su gosti sijaset šansi da riješe meč ali su ih propustili. Na kraju je stigla kazna i u đestom minutu nadoknade Lakazet pogađa za 2-2.

Sa sjajnim igrama nastavio je Lester. Ekipa Brendona Rodžersa ostvarila je novi trijumf. Savladali su u gostima Brajton sa 2-0. Strijelci su bili Perez i Džejmi Vardi. 

Pobjedu je ostvario i lider Liverpul. Oni su savladali u gostima Kristal Palas sa 2-1. Palasu je poništen gol Tomkinsa na 0-0. U drugom poluvremenu Liverpul preko Manea dolazi do vodstva. Zaha donosi izjednačenje svom timu dok Firmino donosi tri boda Liverpulu.